 |
|
24/5/2024 肥皮攝記X兔協 HKRS – 香港兔友協會 Hong Kong Rabbit Society慈善拍攝日 https://www.facebook.com/share/p/9L34henyeHZPCtUw/?mibextid=oFDknk 肥皮攝記X兔協 HKRS – 香港兔友協會 Hong Kong Rabbit Society慈善拍攝日正接受報名中，並以皮妙妙影樓內太陽花田場景拍攝，歡迎貓、狗、兔兔等小朋友嚟參加呀！ 皮叔叔皮嫂嫂今日去左兔協做義工，現時協會內有超過100隻棄兔，「無能力養」、「無空間養」、「小朋友出世」、「移民」、「病」⋯⋯都係呢100隻小朋友無辜地，嚟到呢度嘅原因。義工話房內仲有多隻小兔，最細嘅3個月大時已被棄養，亦有只得8個月大嘅小朋友從漁農處救出，「因為兔仔其實好平，淘寶又有，幾百蚊一隻，好多人當佢地玩具，玩殘左玩爛左就唔要了。」今日係平日，協會內只有大概十位義工同員工，大家都默默做、熟練地做，掃地嘅、抹地嘅、抹籠嘅、添草嘅、洗菜嘅、餵菜嘅、添水嘅、分藥嘅⋯⋯大家都靜靜地，密密手不斷做。 環看四週，都係日復日嘅必須開支。超過100個兔籠，每個每日都需換上新嘅尿墊、新嘅草草、新嘅食食，同埋滿滿嘅水。每隻兔小朋友每日都有新鮮嘅菜菜，有部份帶病嘅，又需另外調配食糧。整個上午，幾部洗衣機持續打轉開動，入面係小住客們每日都要換嘅睡墊、我哋清潔時所用嘅毛巾同圍裙等等等等⋯⋯當然仲有更多更多，我哋睇唔到嘅，沉重嘅醫療開支。「其實員工一直唔夠㗎，因為好多時突發要帶兔兔去診所，要照顧到好夜先走，實在太辛苦了。」協會內員工分享道。 皮宅離兔協不遠，去協會幫手不難，引伸至進一步地，皮叔叔皮嫂嫂希望用一技之長，幫助一班被遺棄、被遺忘嘅兔孩。肥皮攝記X兔協嘅慈善攝影日，將定於6月30日至7日1日舉辦啊，並以皮妙妙影樓內太陽花田場景拍攝！歡迎貓、狗、兔兔等等小朋友嚟參加呀！ 🌻 活動日期：6月30日 & 7月1日(星期日&周一紅日) 🌻 地點：皮妙妙影樓@大角咀 🌻 時間：每日11:00 – 18:00 ，每45分鐘左右1隻寵物拍攝，同埋爸爸媽媽一齊都得㗎！換言之2日動物名額只有14個，報名時請説明希望6月30日，還是7月1日拍攝，以及以下哪時段，滿左就要再揀喇： 7月1日：11:00-12:00🈵 /12:00-13:00🈵 /13:00-14:00 /14:00-15:00 /15:00-16:00 /16:00-17:00 /17:00-18:00 🌻 費用：$9️⃣8️⃣0️⃣一隻寵物，每隻寵物45分鐘左右拍攝，價錢包10幅已修圖相片 🌻 歡迎所有狗孩子/貓孩子/兔孩子等等參加啊 有興趣報名，可inbox肥皮攝記，又或者WhatsApp 皮叔叔：https://wa.me/85294955126) / Signal 9495 5126 希望見到大家，同大家嘅小朋友呀！ 。・°°・・°°・。。・°°・・°°・。 皮叔叔皮嫂嫂今週末將係旺角上海街618擺市集，歡迎大家嚟了解上門拍攝與影樓拍攝！ 🎈市集日期：5月25-26日（今週末咋） 。・°°・・°°・。。・°°・・°°・。 🍎伍慶泉 Wilson Ng 我提供上門寵物拍攝服務，特別貓🐈可以不出門，在熟悉的地方，最自在地影相。當然亦有影樓啊，有興趣了解，可inbox肥皮攝記，WhatsApp (可直接找到我啊：https://wa.me/85294955126) / Signal 9495 5126
|
