 |
|
大家還記得相片中的各位兔協小天使嗎？ / Do you still remember the little hkrs angels in the photo? 大家還記得相片中的各位兔協小天使嗎？ 他/她們都是近10年經兔協接收後，因不同病患或年老變成了小天使的… they will be missed… 🙂 Do you still remember the little hkrs angels in the photo? They have all been received by hkrs in the past 10 years and turned into little angels due to different illnesses or old age… they will be missed… 🙂 ——————————————————————————————– （以下文章轉載自兔協facebook其中一位小編的感受，相信也是所有兔協職員及義工的感受…） 這是少數講講我們感受的文章，感謝大家細心閱讀。 相信大家睇到昨晚嘅 post 都知道，Clover 已經離開咗我哋。 近年來，兔協嘅 老／弱／病／殘嘅兔子，從來無低過60% 。而兔協因為位置有限，一般排期嘅等候時間就越來越長。但兔協排期有幾漫長都好，兔協絕大部分時間都仍然會緊急接收有生命危險嘅兔子。 緊急接收嘅故事真係令人大開眼界，完全係挑戰各位義工同職員對人性下限嘅眼界。（詳情就不便敍述，兔協希望大家理解，身為機構，雖然忿怒，但必須保持一個機構應有的底線） 可能大家都知道，上年10月，兔協曾經暫停緊急接收，因為當時兔協連10月去邊度搵錢埋獸醫診所嘅單都未諗到。多得大家嘅捐助，兔協總算唔駛欠債，所以大家都睇到。。。我哋又又又繼續接收緊急個案 (雖然之前公佈過暫停接收緊急個案，但實在唔忍心) 。當時有位幹事嘅家人覺得兔協全部都係癲嘅，啱啱找到數，又收？隻隻緊急接收醫療都5位數，點算？ 係架，坦白講，到今日為止，兔協都未真正脫離財困。 其實小編都覺得幾可笑，網絡世界，賣賣慘，兔協應該不至於財困，但偏偏兔協就甚少寫感性的文章。因為我哋從來覺得，香港兔友協會，服務對象，從來只有兔子。義工／職員嘅感受從來不是兔協想公諸於眾的部分。 幹事們都係成年人，點會唔明白？ 但係需要緊急接收嘅個案，從來都唔會因為兔協捉襟見肘嘅存款而消失。 呢四個星期，兔協收到嘅棄養電話，真係連兔協都嚇親，當中最嚴重有生命危險的個案需立即處理。 有巨型膿包而且嚴重侵蝕下顎骨幾乎下顎骨斷裂嘅 Bamboo； 有牙瘡嚴重到獸醫見到侵蝕左嘅五隻大牙外，右下所有大牙已溶解／斷裂而且伴隨骨髓炎及牙根感染嘅 Piggie； 當然重有由棄養者提供片段已經見到呼吸困難嘅 Clover, 左下顎位置有膿瘡，顎骨亦已被侵蝕，膿瘡位置範圍很大且深伸延至頸部，差不多完全壓住鼻咽及咽喉而引致的。。。。 但係，當見到： 職員們加班到接近凌晨去照顧兔子、添加不同貨品增加收入，義工們超額一倍去做更多美容服務 (星期日及假期) ，都心甘情願。為的就是更好咁照顧兔子，為的就是賺多一點錢給兔子下次覆診。 但昨天深夜收到 Clover 搶救無效之後，小編諗，我哋要做幾多先可以救到你哋每一個？ Clover 的離開，令我們沮喪得懷疑努力照顧和爭取捐款的意義。請問大家可以為我們加加油，打打氣？你哋嘅支持就係我哋動力！
|
