✨來自幹事 (小薯1號) 的感言✨

✨來自幹事 (小薯1號) 的感言✨

由眾籌活動開始到而家，好感激每一位以唔同方式，為香港兔友協會出一分力，無論係捐錢💰、轉發🔄、留言💬，定係默默支持🤝，每一份心意，我哋都一一收到。🫶🏻

各大平台上嘅每一則留言，我哋都有認真睇過👀。感謝每一位支持兔協嘅朋友🐇，亦多謝大家提出咗好多真誠而具建設性嘅意見💡。我哋明白，喺透明度方面，確實仲有進步空間📊，令更多人更清楚了解我哋嘅實際情況。所以，只要我哋能力所及💪，一定會盡快回覆，唔會辜負大家嘅關心同信任❤️。

當中有好多留言，真係令我哋好感動🥹——
「兔協好值得幫🙌」、「出錢出力救娘家🏠」、「兔協已經捱咗好耐💪」……等等；每一句，都帶住溫度同力量🔥，亦提醒住我哋：原來一直以嚟，兔協背後，有咁多人撐住我哋，為兔子護航🫶🏻。

作為其中一位幹事，有時我都會覺得自愧不如😔，覺得我哋應該做得更多，走得更前，讓更多人認識呢班兔仔🐰，幫到更多需要幫助嘅生命🌱。而前線同事，其實早已經付出到筋疲力盡😮‍💨，但我哋卻未能為佢哋爭取更多資源去回饋。

每年一次嘅職員大會，我哋幾位幹事，只係夾錢請大家食一餐飯🍲，聊表心意——講真，心入面真係覺得自己很不濟😔。同事一次又一次嘅OT，只為等兔仔情況穩定先放心離開中心；犧牲嘅私人時間，多得數唔清⏳。呢啲點滴，好多人未必睇到，而佢哋亦一直選擇默默承受。正如有位朋友留言所講：「員工用愛發電💖⚡️」。

仲有一班一直陪伴我哋嘅義工🙋‍♀️🙋‍♂️——無論平日、星期日，甚至公眾假期，都風雨不改咁嚟照顧兔仔🐇。好多義工，其實早已成為兔仔嘅「契媽契爸👩‍👧👨‍👦」。呢份陪伴同付出，唔係責任，而係發自內心嘅愛❤️。

或者我未必能逐一親口同你哋講過多謝🙏🏻，但我真心想講一句：你哋每一位，都好重要🌟。願意用自己寶貴嘅時間去守護生命🌱，係愛呀哈利😆💖。

其實，仲有好多好多需要感謝嘅人😘。
一班曾經上嚟買嘢、捐贈等各種形式支持兔協嘅朋友；同我哋合作🤝過嘅團體、公司🏢、機構——多謝你哋，曾經喺某一刻，諗起香港兔友協會，並且選擇與我們同行🫶🏻。

眾籌活動推出後📣，好多朋友主動聯絡我哋：包括友會邀請合作活動🎉，獸醫願意舉辦講座為我哋籌款💰，亦有店舖主動提出支持，一齊陪兔協走過呢段難關🌈。

我哋答應大家🤝，會好好規劃📝，踏實行動🚀，為呢班兔仔爭取更好嘅生活同未來🌟。無論幾困難，我哋都會繼續堅守初心💡，延續使命，不離不棄💖。

多謝你睇到呢度🫶🏻，亦多謝每一位善良嘅你🌸，祝福咁多位🙏🏻✨